Bakit mahalagang pag-aralan ang kasaysayan?

Ano nga ba ang kahalagahan sa pag-aaral natin ng kasaysayan? May maidudulot ba ito sa buhay natin sa kasalukuyan? Ang totoo nyan ay meron. Mahalagang malaman ang kasaysayan ng ating nakaraan upang maintindihan natin ang mangyayari sa kasalukuyan. Malalaman rin natin ang pakakaiba ng noon sa ngayon sa pamamagitan ng paghahambing ng mga pangyayari. Halimbawa na lang sa mga tao, lugar at kagamitan o mga bagay-bagay. Noon, ang mga tao ay wala pang masyadong alam sa mga nangyayari sa daigdig. Kagaya na lang ng kung ano ba ang totoong hugis ng mundo, bakit may mga pangyayari na mahiwaga sa kanila na sa totoo lang ay natural lang naman. Binibigyan ng mga tao noon ng kahulugan ang mga bagay-bagay na nangyayari sa paligid nila.
Marahil na rin sa kanilang kuryosidad, sila ay nakakadiskubre ng mga bagay o kagamitan na nakakatulong sa kanila upang mapadali ang kanilang pamumuhay. Maituturing na rin ito na isang teknolohiya noong unang panahon. Kagaya na lang ngayon, ang mga tao ngayon ay marami nang alam pagdating sa teknolohiya. Paggamit ng computer, cellphones, o yung mga bagay na hightech. Lahat na yata ng gawain ay ginagamitan na ng teknolohiya ngayon. Dati naglalakad ka lang o 'di kaya'y sumasakay sa mga hayop na gamit sa transportasyon, pero ngayon mayroon ng mga sasakyan. Maaari mong bayaran ang serbisyo nito, at kung ikaw ay may kaya o 'di kaya ay mayaman, maaari kang makabili ng sarili mo.
Isa lamang ang mga ito sa kahalagahan kung bakit natin kailanang malaman ang kasaysayan.

Sana ay natuto ka!

to be continued...

ANG TATLONG DOKTRINA NG SINAUNANG RELIHIYONG TSINO

Anu-ano kaya ang mga ito?
Una ay ang Confucianism. Ito ay binuo ng isang chinese philosopher na si Confucius. Nakatuon ito sa moralidad ng mga tao at sa mga maling gawain. Isa rin itong sistema na may kinalaman sa moral, sosyal, politikal, pilosopikal at ang quasi-religion. Dahil sa mga ito, malaki ang naging impluwensya nito sa kultura ng mga tsino.
Ang ikalawa naman ay ang Taoism. Ang konseptong ito ay nagsimula sa Tsina mula pa noong nasa unang stado pa lang pagkabuo ng relihiyon. Ang Tao ay isang salita na ang ibig sabihin ay "the path" o "the way". May kinalaman ito sa pilosopikal at religious tradition na nakaimpluwensya sa mga taga silangang Asya sa loob ng halos dalawang milenyo at sa kanluran sa loob ng dalawang daang taon.
Ang ikatlo at ang panghuli ay ang Buddhism. ang Budismo ay nagmula pa sa India noong 500 B.C. sa pamamagitan ni Siddhartha Gautama. Sya ay tinaguriang "the enlightened one" o si Bhudda. Ang relihiyong ito ay idinala sa Tsina sa pamamagitan ng Silk Road, isang ruta ng mga mangangalakal na nagtutungo sa Tsina na pinamumunuan ng mga dayuhan noong panahon ng Dinistiyang Han. Sa simula, ito ay itinuring na parte ng Taoismo dahil ang dalawang relihiyon ito ay magkapareho. Kahit papaano, may mga monghe pa rin na magmula sa India patungong Tsina at iningatan ang relihiyong ito na matabunan ng Taoismo. Ang mga Buddhist ay niyaya ang kanilang mga tagasunod na matutunan ang mga bagay-bagay sa kanilang sarili.